Blantyre! Happy Easter

Ah ‘kin remember paintin’ eggs,
wi’ colours sae bold an grand,
bile them, paint ’em, line them up,
on kitchen bunkers they stand.

Then ‘aff tae the ‘hills’ for rollin,
Greenha, Camel humps an braes,
last wan tae brek, wis the winner,
paint oan wee faces ‘n claes.

Wan egg if ye were lucky,
A Cadbury wan at that,
chocolate faces oan wee lassies,
under their bonnie hats.

Good Friday, mind the delight,
tae hiv nae wurk or school,
A few days ‘aff tae hiv some fun,
‘n acting up the fool.

But Easter his a serious side,
as we celebrate ‘an play,
Mind yon ‘big man’ who sadly died,
for our sins that holy day.

Sae, paint yer eggs ‘an roll em
remember ‘Tyre’ past,
an’ spend yer time with family,
‘cos it’s love fur them that lasts.